Վաշինգտոնում Ադրբեջանի դեմ նոր լսումներ են սկսվել
Աշխարհ
ԱՄՆ սենատի ներկայացուցիչների պալատի արտաքին քաղաքականության հանձնաժողովի Եվրոպայի, Ասիայի և աճող սպառնալիքների գծով ենթահանձնաժողովում այսօր բաց լսումներ են սկսվել Ադրբեջանում մարդու իրավունքների իրավիճակի հարցով:
Ինչպես հաղորդում է «Արմենպրես»-ը, «Ադրբեջան-ԱՄՆ. հետաքրքրություններն անվտանգության, էներգետիկայի և մարդու իրավունքների ոլորտներում» անվանմամբ լսումներին կմասնակցեն հայտնի փորձագետներ, դիվանագետներ և վերլուծաբաններ:
Զեկուցողների մեջ են Ադրբեջանում ԱՄՆ-ի նախկին դեսպան Ռիչարդ Կոզլարիչը, Ջոն Հոփքինսի համալսարանի Կենտրոնական Ասիայի և Կովկասի ինստիտուտի տնօրեն Սվանտե Կորնելը, Վուդրո Վիլսոնի կենտրոնի փորձագետ Օդրի Օլշտադը և ուրիշներ: Ենթադրվում է, որ լսումները կանցկացվեն ԱՄՆ Կոնգրեսի արտաքին հարաբերությունների հանձնաժողովի ղեկավար Էդ Ռոյսի նախագահությամբ:
Ադրբեջանում մարդու իրավունքների աղետալի վիճակի հետ կապված' ամերիկյան և եվրոպական հետազոտական կենտրոններում ավելի վաղ անցկացված քննարկումների ժամանակ մասնակիցներն առաջարկել են պատժամիջոցներ կիրառել մարդու իրավունքները կոպտորեն ոտնահարող Ադրբեջանի բռնապետական վարչախմբի դեմ:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
