Հնդկաստանի վարչապետը ցնցված է իր պատվին տաճարի կառուցման լուրից

Հնդկաստանի վարչապետ Նարենդրա Մոդին հայտարարել է, թե ինքը շոկի մեջ է հայտնվել շուտով Գուջարաթի նահանգում իր պատվին տաճար բացելու վերաբերյալ լուրից:

Մոդիի խոսքով՝ նման տաճարի կառուցումը խախտում է «հնդկական մեծ ավանդույթները», տեղեկացնում է «Արմենպրես»-ը՝ հղում անելով BBC-ին:

Հինդուիստական տաճարը՝ վարչապետի քանդակապատկերով, փետրվարի 15-ին պաշտոնապես կբացվի Քոթարիա գյուղում:

Որոշ տվյալներով՝ Մոդիի շուրջ 350 կողմնակիցներ նվիրատվություններ են կատարել Գուջարաթի Ահմեդաբադ մայրաքաղաքից 210 կիլոմետր հեռավորության վրա տաճարի կառուցման համար:

2001-ից մինչև 2014 թվականը Մոդին զբաղեցրել է Գուջարաթի նահանգի գլխավոր նախարարի պաշտոնը, ինչից հետո ընտրվել է վարչապետի պաշտոնում: