«Նորմանդական քառյակի» առաջնորդները չեն ստորագրել Մինսկի հռչակագիրը. Գերմանիայի ԱԳՆ
Աշխարհ
Ռուսաստանի, Ուկրաինայի, Գերմանիայի և Ֆրանսիայի առաջնորդները չեն ստորագրել Մինսկի հռչակագիրը. այն հաստատել են բանավոր: Այս մասին հայտնել է ՌԻԱ «Նովոստին»՝ վկայակոչելով Գերմանիայի ԱԳՆ ղեկավար Ֆրանկ-Վալտեր Շտայնմայերին:
Գերմաանիայի ԱԳ նախարարի խոսքով՝ «նորմանդական քառյակի» առաջնորդները պայմանավորվածությունների իրականացումը հաստատել են «իրենց խոսքերով»:
Ավելի վաղ, Ռուսաստանի նախագահ Վլադիմիր Պուտինը հայտարարել էր, որ բանակցությունների ընթացքում ստորագրվել է կոնտակտային խմբի փաստաթուղթ՝ մինսկյան պայմանավորվածությունների իրականացմանն ուղղված միջոցառումների մասին: Նա նաև նշել էր, որ բանակցությունների գիշերվա ընթացքում հաջողվել է պայմանավորվել գլխավորի՝ կրակի դադարեցման շուրջ:
Որոշ տվյալներով՝ ուկրաինական կողմը համաձայն չի եղել Ուկրաինայում կողմերի սահմանազատման գծի և Լուգանսկի ու Դոնեցկի կարգավիճակի վերաբերյալ Մոսկվայի առաջարկին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
