ՄԱԿ-ի գլխավոր քարտուղարը ողջունել է «նորմանդական քառյակի»՝ Դոնբասի իրադրության կարգավորման ջանքերը
Աշխարհ
ՄԱԿ-ի գլխավոր քարտուղար Պան Գի Մունը հուսով է, որ ուկրաինական հակամարտության կողմերը կկատարեն իրենց պարտավորությունները Մինսկում ձեռք բերված պայմանավորվածությունների շրջանակներում, տեղեկացնում է «Արմենպրես»-ը:
«Գլխավոր քարտուղարն ակնկալում է, որ կողմերը կկատարեն այն պարտավորությունները, որոնց շուրջ պայմանավորվել են Մինսկում: Նա հաստատակամորեն կոչ է անում կողմերին իսկական և կայուն հրադադար ապահովել փետրվարի 15-ից, ինչը ճանապարհ կհարթի հակամարտության ավելի լայն քաղաքական կարգավորման համար»,- ասված է ՄԱԿ-ի մամուլի ծառայության հայտարարության մեջ:
Ինչպես նշվում է փաստաթղթում, վերջին երկու օրերին ՄԱԿ-ի գլխավոր քարտուղարն ուշադիր հետևել է «Մինսկում Ռուսաստանի, Ուկրաինայի, Ֆրանսիայի և Գերմանիայի ղեկավարների ակտիվ դիվանագիտական ջանքերին»: «Նա պատշաճն է մատուցում նրանց հաստատակամությանն ու ջանքերին»,- ասված է հաղորդագրության մեջ:
Ըստ ՌԻԱ Նովոստիի՝ դրանում նաև ասված է, որ ՄԱԿ-ը առաջվա պես պատրաստ է օժանդակություն ցուցաբերել հակամարտության կարգավորմանը, մասնավորապես կշարունակի մարդու իրավունքների հետ կապված իրադրության մոնիթորինգը և հումանիտար օգնություն կմատակարարի հակամարտության գոտու կարիքավորներին:
ՈՒՂԻՂ ԵԹԵՐ
Ամենադիտված 
Ով է Բաղրամյան փողոցում կյանքից զրկված 29-ամյա տղան
