Սիդնեյում ոստիկանությունը տաքդեղի գազ է կիրառել բողոքող ուսանողների դեմ
Աշխարհ
Ավստրալիայի Սիդնեյ քաղաքում ոստիկանությունը տաքդեղի գազ է կիրառել բարձրագույն կրթության բարեփոխման դեմ բողոքող ուսանողների նկատմամբ, տեղեկացնում է «Արմենպրես»-ը:
Շուրջ 40 ուսանողներ փետրվարի 13-ի առավոտյան բողոքի ակցիա են կազմակերպել այն շենքի մոտ, որտեղ ելույթ էր ունենում կրթության նախարար Քրիստոֆեր Փայնը: Ոստիկանները հատուկ միջոցներ են կիրառել, երբ ցուցարարներից ոմանք փորձել են ներխուժել շենք: Ընդհարումները նկարահանել է ABC հեռուստաալիքը:
«Սա ոստիկանական պետություն չէ, մենք ցույց անցկացնելու իրավունք ունենք»,- բացականչում էին ակցիայի մասնակիցները: Նրանցից մի քանիսը վնասվածքներ են ստացել և գանգատվում էին տաքդեղի գազից ստացված այրվածքներից:
Ինչպես նշում է ՌԻԱ Նովոստին, Ավստրալիայի ուսանողներն արդեն մի քանի ամիս է՝ հանդես են գալիս համալսարանների նկատմամբ պետական հսկողության վերացման դեմ, ինչը կարող է հանգեցնել ուսման վճարի բարձրացման:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
