Թուրքիան դադարեցրել է Եմենում իր դեսպանության գործունեութունը
Աշխարհ
Թուրքիան որոշում է կայացրել դադարեցնել Եմենի մայրաքաղաք Սանայում գործող իր դեսպանատան գործունեությունը:
Ինչպես հաղորդում է «Արմենպրես»-ը, այս մասին տեղեկացնում է թուրքական «Սաբահ» պարբերականը:
Փետրվարի 16-ից Թուրքիայի դեսպանությունն առկախելու է իր գործունեությունը Եմենում, իսկ դեսպանատունը փակվելու է: Թուրք դեսպան Ֆազլը Չորմանը և նրա աշխատակազմը վերադառնալու են հայրենիք:
Ավելի վաղ Թուրքիայի արտաքին գործերի նախարարությունը հայտարարություն էր տարածել' կոչ անելով իր քաղաքացիներին խուսափել Եմեն այցելելուց' դա պատճառաբանելով երկրում անվտանգության երաշխիքների բացակայությամբ:
Թուրքիայից առաջ Եմենում իրենց դեսպանությունների աշխատանքները դադարեցրել էին նաև Իտալիան, Գերմանիան, Նիդեռլանդները, Մեծ Բրիտանիան, Ֆրանսիան և ԱՄՆ-ն:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
