«Իսլամական պետությունը» սպառնում է ոչնչացնել բոլոր քրիստոնյաներին

«Իսլամական պետության» գրոհայինները համացանցում տեսանյութ են տարածել «Արյունով գրված կոչ խաչապաշտ ժողովրդներին» վերտառությամբ: Այս մասին հայտնել է obozrevatel.com-ը:

Տեսագրության մեջ սևազգեստ մարդիկ ծովափնյա տեղանքում ուղեկցում են նարնջագույն հագուստով մոտ 20 գերիների: Ներկայացված տեղեկատվության համաձայն` գործողությունը տեղի է ունենում Միջերկրական ծովի ափին լիբիական Տրիպոլիի շրջանում:

Ինչպես նշվում է հաղորդագրության մեջ` գերիները Եգիպտոսի քրիստոնեական եկեղեցու անդամներ են:

Ջիհադիստների առաջնորդը հայտարարել է, որ մինչ այդ Սիրիայում և Իրաքում պայքարող «Իսլամական պետությունը», ակտիվ գործողություններ է սկսում նաև Լիբիայում:

Բացի այդ, ահաբեկիչը սպառնում է ոչնչացնել «ծովից այն կողմ» (Միջերկրական ծով՝ խմբ.) բնակվող բոլոր քրիստոնյաներին և ստրկացնել մյուսներին: Դրանից հետո բոլոր գերիները գլխատվել են: