HSBC բանկի՝ Ժնևի մասնաճյուղում խուզարկություններ են կատարվել փողերի լվացման գործով

Ժնևում Մեծ Բրիտանիայի HSBC բանկի մասնաճյուղում փետրվարի 18-ին կատարվել են խուզարկություններ, սկսվել է հետաքննություն փողերի լվացման փաստով: Այդ մասին, ինչպես տեղեկացնում է «Արմենպրես»-ը, Ժնևի կանտոնի դատախազությունը:

«Կանտոնի դատախազությունը հայտարարել է, որ HSBC-ի՝ Շվեյցարիայի մասնաճյուղի գործունեության հետ կապված հրապարակային մերկացումների առնչությամբ քրեական գործընթաց է նախաձեռնվել բանկի դեմ»,- մեջբերում է դատախազության հայտարարությունը France-Presse գործակալությունը:

Հրապարակային հետաքննության տվյալների համաձայն, որին մասնակցել են ավելի քան 140 լրագրողներ, ավելի քան 40 պետությունից, 2006-ից մինչև 2008 թվականը HSBC-ի՝ Շվեյցարիայի մասնաճյուղով «տարանցմամբ» անցել է շուրջ 180 միլիարդ դոլար, որը փոխադրվել է այդ թվում օֆշորային գոտիներ: Ըստ որում, ինչպես պնդում են, խոսքը վերաբերել է բանկի սպասարկյալների կողմից «կեղտոտ» փողերի լվացմանը, հարկային մարմիններից եկամուտների թաքուցմանը և ահաբեկչության ֆինանսավորմանը, հաղորդել է ՏԱՍՍ-ը: