Սպասվում են ՌԴ-ի, Ֆրանսիայի, ԳՖՀ-ի եւ Ուկրաինայի ղեկավարների հեռախոսային բանակցությունները
Աշխարհ
Ֆրանսիայի նախագահ Ֆրանսուա Օլանդը, ՌԴ-ի ղեկավար Վլադիմիր Պուտինը, ԳՖՀ-ի կանցլեր Անգելա Մերկելը և Ուկրաինայի նախագահ Պյոտր Պորոշենկոն հեռախոսազրույց կանցկացնեն փետրվարի 18-ի երեկոյան: Այդ մասին, ինչպես տեղեկացնում է «Արմենպրես»-ը, Փարիզում կայացած մամուլի ասուլիսում հայտարարել է Ֆրանսիայի կառավարության պաշտոնական ներկայացուցիչ Ստեֆան լե Ֆոլը:
Նրա խոսքով՝ խոսակցության գլխավոր թեման կդառնա Մինսկի համաձայնագրի կետերի կատարման ընթացքը: Լե Ֆոլը նշել է, որ չորս երկրի առաջնորդները, մասնավորապես, կքննարկեն Դեբալցևոյի շուրջ ստեղծված իրադրությունը, որտեղ շարունակվում են բախումները Ուկրաինայի զինված ուժերի ստորաբաժանումների և ինքնահռչակ ԴԺՀ-ի ու ԼԺՀ-ի աշխարհազորայինների ջոկատների միջև: «Մինսկ-2»-ի համաձայնությունների ճշգրիտ կատարման դժվարություններ կան»,- ասել է Ֆրանսիայի կառավարության ներկայացուցիչը:
Դրա հետ մեկտեղ նա ընդգծել է, որ Ֆրանսիան պահպանում Է հավատարմությունը Մինսկի պայմանավորվածություններին և Գերմանիայի հետ միասին կտրականապես դեմ է Ուկրաինային զենք մատակարարելուն: «Համաձայնագիրը դեռ մեռած չէ, և մենք ամեն ինչ կանենք, որպեսզի այն ապրի»,- նշել է Ստեֆան Լե Ֆոլը, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
