Ռազմավիրական ճանապարհով երթևեկությունը վերականգնված է

Ռազմավիրական ճանապարհը, որը փետրվարի 17-ից փակվել էր եղանակային անբարենպաստ պայմանների պատճառով, փետրվարի 20-ին Երեւանի ժամանակով ժամը 13:00-ից բաց է տրանսպորտի երթեւեկության համար: Այդ մասին, ինչպես տեղեկացնում է «Արմենպրես»-ը, ՏԱՍՍ-ին հայտնել են ՌԴ արտակարգ իրավիճակների նախարարության Հյուսիսային Օսիայի գլխավոր վարչությունում:

«Երթևեկությունը վերականգնված է Մոսկվայի ժամանակով ժամը 12:00-ից: Տրանսպորտն սկսել են բաց թողնել ըստ այն հերթի, որը գոյացել է փակման պահից՝ փետրվարի 17-ից»,- ասել է գործակալության զրուցակիցը:

Սահմանի փակման պահից ի վեր «Վերին Լարս» անցակետում կուտակվել է շուրջ 500 ավտոմեքենա: