Շատ լավ գիտակցում ենք, որ «Փյունիկ»-ը ուժեղ է մեզանից. «Ֆոլգորե»-ի գլխավոր մարզիչ

«Փյունիկ» - «Ֆոլգորե» հանդիպումը մեկնաբանեց նաև Սան Մարինոյի թիմի գլխավոր մարզիչ Նիկոլա Բերադին: Մարզիչը նշեց.

«Մեզ համար, իհարկե, դժվար խաղ էր սպասվում, որովհետև արագության տեսանկյունից հայկական թիմը բավականին արագ է: Մեր հիմնական խաղացողներից բացակայում էին 4-ը, ովքեր աշխատանքի պատճառով չկարողացան գալ մեզ հետ: Մենք Հայաստան եկանք ոչ այնքան մեծ հույսեր փայփայելով, բայց, կարծում եմ խաղը ստացվեց: Առաջին խաղակեսում մրցակիցը իսկապես բազմաթիվ հնարավորություն ուներ դարպասը գրավելու, մենք պաշտպանվեցինք: Սկզբում հիմնականում պաշտպանության վրա էինք ուշադրություն դարձնում: Ունեցանք մի քանի փոքր հնարավորություն, բայց դրանք քիչ էին: Մենք եկել էինք այստեղ հաշտվելով այն մտքի հետ, որ ավելի ուժեղ թիմի հետ էինք մրցակցելու: Միշտ հաշվի ենք առնում, որ երևանյան թիմը բավականին ուժեղ է մեզանից: Երբ չորս խաղացողները միանան մեզ կկարողնանք ավելի լավ խաղ ցուցադրել: Մենք շատ լավ գիտակցում ենք որ «Փյունիկ»-ը ուժեղ է մեզանից և պետք է անենք մաքսիմումը հաջողության հասնելու համար: Մեր ֆուտբոլիստները հիմանականում սիրողական մակարդակի են, կան նաև ֆուտբոլիստներ որոնց կարելի է անվանել կիսապրոֆեսիոնալ: Դժվար կլինի անցնել հաջորդ փուլ, հույսը միշտ կա և այն փաստը, որ խաղալու ենք մեր հարկի տակ մեզ բավականին դրական է տրամադրում: Հաշվի ենք առնում նաև, որ շատ դժվար կլինի մրցակցել «Փյունիկ»-ի հետ»: