«Բանանցի» նոր գլխավոր մարզիչը իսպանացի մասնագետ Տիտո Ռամալյոն է

Երևանի «Բանանցի» գլխավոր մարզչի պաշտոնում է նշանակվել իսպանացի մասնագետ Տիտո Ռամալյոն (Tito Ramallo): Այս մասին տեղեկացնում է ակումբի պաշտոնական կայքը:

45-ամյա մասնագետը 1993 թվականից սկսած է աշխատել է Լա Կորունյայի «Դեպորտիվո» ակումբում: 2001-ից մինչև 2012 թվականը Տիտո Ռամալյոն եղել է «Դեպորտիվո Բ»-ի գլխավոր մարզիչը: 2008-ից 2010 թվականներին նա աշխատանքը համատեղել է «Դեպորտիվոյի» մանկապատանեկան ֆուտբոլի գլխավոր պատասխանատուի պաշտոնի հետ և ղեկավարել է ակումբի մարզաբազան: Ապա Տիտո Ռամալյոն աշխատել է «Դեպորտիվոյի» առաջին թիմում՝ որպես տակտիկական վերլուծության մարզիչ և եղել է թիմի սկաուտական բաժնի պատասխանատուն:

«Բանանցի» արդեն նախկին գլխավոր մարզիչ Արամ Ոսկանյանը մնալու է թիմի մարզչական շտաբում՝ շարունակելով կարևոր դերակատարում ունենալ թիմի աշխատանքներում:

Այսօր առավոտյանը մարզիչը ներկայացվել է թիմին, իսկ կեսօրից հետո տեղի կունենա նրա առաջին մամուլի ասուլիսը «Բանանցի» մարզչի կարգավիճակով: