«Ժողովուրդ». Հովիկ Աբրահամյանն այնքան էլ չի ցանկանում զբաղեցնել առաջարկվող նոր պաշտոնը
Հայկական Մամուլ
«Ժողովուրդ»-ի տեղեկություններով՝ իշխանական կուլիսներում այս օրերին ակտիվորեն քննարկվում է սահմանադրական հանրաքվեի շտաբի պետի թեկնածուների հարցը: Առաջին ու գլխավոր թեկնածուն ՀՀ վարչապետ Հովիկ Աբրահամյանն է, որը, կարծես թե, այդքան էլ ցանկություն չունի այդ պաշտոնը զբաղեցնել:
Նշվում է, որ ՀՀԿ-ում մի քանի թևերի են բաժանվել, ու Հովիկ Աբրահամյանի «թևը» չի ցանկանում, որ իրենց վրա վերցնեն այդ ծանր բեռը: Բացի այդ, եթե Հովիկ Աբրահամյանը հիմա համաձայնի գլխավորել հանրաքվեի նախընտրական շտաբը, նշանակում է, որ պետք է հրաժարվի վարչապետի պաշտոնից: և այդ տարբերակն այնքան էլ ցանկալի չէ ՀՀԿ-ի համար: Ըստ ամենայնի, սահմանադրական հանրաքվեի շտաբի պետի հարցը կորոշվի ՀՀԿ ԳՄ ապագա նիստում:
Երեկ ողջ օրվա ընթացքում «Ժողովուրդ»-ը փորձեց ՀՀ վարչապետ Հովիկ Աբրահամյանի մամլո խոսնակ Գոհար Պողոսյանից ճշտել' արդյո՞ք վարչապետը ստացել է շտաբը ղեկավարելու առաջարկություն և ինչպես է արձագանքել դրան: Սակայն ապարդյուն. Պողոսյանին գտնել չհաջողվեց»:
Մանրամասները՝ թերթի այսօրվա համարում:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
