Հայաստանի լեռներում ռուս զինվորականները մշակում են ուղղաթիռների թռիչքի և վայրէջքի տեխնիկան
Հասարակություն
Հայաստանում տեղակայված ՌԴ ավիացիոն «Էրեբունի» ռազմաբազայի օդաչուները սկսել են մշակել Հայաստանի լեռներում ուղղաթիռների վայրէջքի և թռիչքի տեխնիկան: Այդ մասին հայտնել են Ռուսաստանի հարավային ռազմական շրջանի մամուլի ծառայությունից, տեղեկացնում է «ՌԻԱ նովոստի»-ն:
«Ուսումնամարզական թռիչքներում ներգրավված է Մի-24Պ հարվածային ուղղաթիռների և Մի-8ՄՏ-ների ավելի քան 50 օդաչու»,- ասված է հաղորդագրությունում:
Զորավարժություններն անց են կացվում ինչպես ցերեկը, այնպես էլ գիշերը՝ Արագած լեռան տարածքում 1500-3500 մետր բարձրության վրա:
Օդաչուները նաև մշակելու են թռիչքները բարդ ռելիեֆ ունեցող տարբեր բարձրությունների և լեռնային գետերի վրա, ինչպես նաև իրականացնելու են պայմանական հակառակորդի շարժվող շարասյուների որոնում, հետապնդում և այլն:
Օդաչուները թռիչքների ժամանակ արդեն ստուգել են Անդրկովկասում ռուսական միավորման տեղակայման տարածքներում ռադիոտեխնիկական սպառազինությունը, հակաօդային պաշտպանության, կապի և ավիացիայի կառավարման համակարգերը:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
