Լիոնել Մեսսին շահել է լրագրողի դեմ դատը

Արգենտինայի հավաքականի և կատալոնյան «Բարսելոնայի» հարձակվող Լիոնել Մեսսին շահել է լրագրողի դեմ դատը: Այս մասին տեղեկացնում է Sport.es:

2014թ-ի ամռանը իսպանական La Razon պարբերականի լրագրող Ալֆոնսո Ուսիան հոդված է գրել Աշխարհի աջնության եզրափակչում Արգենտինայի ընտրանու` Գերմանիայից կրած պարտության մասին: Հոդվածում լրարողը նշել է, որ Մեսսին վատ է տեղաշարժվել դաշտում և հոգնած տեսք է ունեցել նանդրոլոն օգտագործելու համար:

Արդյունքում՝ արգենտինացի ֆուտբոլիստը դատի է տվել լրագրողին: Դատարանը գտել է, որ Ուսիան միտումնավոր վիրավորել է Մեսսիին: Դատարանի որոշմաբ՝ բարոյական վնասի և իրավաբանական ծախսերի համար որպես փոխատուցում արգենտինացին ստացել է 65 հազար եվրո:

Պարբերականից ստացած ողջ գումարը Մեսսին տրամադրել է բարեգործության` «Բժիշկներ առանց սահմանի» հիմնադարամին: