Աշխարհի և Եվրոպայի առաջնության պատմության վատագույն տուգանային հարված իրացնողը Ռոնալդուն է

Պորտուգալիայի հավաքականի հարձակվող Կրիշտիանու Ռոնալդուն Եվրոպայի առաջնության խմբային փուլում Իսլանդիայի դեմ խաղում երկու անգամ իրացրել է տուգանային հարված, սակայն դրանցից ոչ մեկ գոլի չի վերածվել: Արդյունքում Ռոնալդուն  ներկա պահին հանդիսանում է Եվրոպայի և աշխարհի առաջնության պատմության վատակույն տուգանային հարված իրացնողը: Այս մասին տեղեկացնում է Opta-ն:

Մասնակցելով այս մրցաշարերին պորտուգալացին 34 անգամ իրացրել է  տուգանային հարված, սակայն ոչ մի անգամ գոլ չի խփել: 13 անգամ  գնդակը հետ է մղել ֆուտբոլիստներից կազմված պատը, 13 անգամ այն անցել է դարպասի կողքով, 8 անգամ հետ են մղել դարպասապահները:

Խոշորագույն մրցաշարերում հավաքականների կազմում ամենաշատը տուգանային իրացրած ֆուտբոլիստների հնգյակում են.

Կրիշտիանու Ռոնալդու- 34 տուգանային հարված, 0 գոլ

Գեորգե Հաջի - 27 տուգանային հարված, 0 գոլ

Միշել Պլատինի - 25 տուգանային հարված, 2 գոլ

Ռոնալդ Կուման - 22 տուգանային հարված, 0 գոլ

Զինեդին Զիդան -  21 տուգանային հարված, 2 գոլ