Արդյունքը այդքան էլ արդար չէր մեզ համար. Տիտո Ռամալյոն` «Բանանցի» պարտության մասին

Կարծում եմ` բավականին հավասար խաղ էր: Արդյունքն այդքան էլ արդար չէր մեզ համար, չեմ ասում, որ պետք է հաղթեինք, բայց կարող էինք ոչ-ոքի խաղալ: Շատ գոհ եմ թիմի խաղից: Հաջորդ խաղը ավելի բարդ է լինելու: Այս մասին, ԼՈւՐԵՐ.com-ի թղթակցի փոխանցմամբ, «Բանանց»-«Օմոնիա» խաղից հետո ասաց հայկական թիմի գլխավոր մարզիչ Տիտո Ռամալյոն:

Խոսելով խաղի արդյունքի մասին` մարզիչն հասաց.

«Մի կողմից տխուր եմ արդյունքի պատճառով, մյուս կողմից հպարտ եմ, թե ինչպես խաղաց թիմը: Մրցակիցն առաջին վտանգավոր պահին բախտ ունեցավ գոլ խփել, ինչի արդյունքում խաղն ամբողջովին փոխվեց: Բացակայում էին երկու խաղացող, ովքեր մարտավարության տեսանկյունից կարևոր էին, իսկ մարզիչները պետք է հարմարվեն այն ֆուտբոլիստներին որոնց, ունեն իրենց տրամադրության տակ: Պետք է հաշվի առնել, որ մեր հակառակորդը շատ ուժեղ էր և կարևոր խաղացողներ ուներ: Զգացվում է, որ սա Եվրոպան է, և բոլորովին այլ մակարդակ է: Այս մակարդակը մեր առաջնությունում չկա: Գոհ եմ խաղին մասնակցած բոլոր ֆուտբոլիստներից: Արեցինք այն ամենը, ինչ մեր հնարավորությունների սահմանում էր: Արդյունքից գոհ չեմ, բայց փորձեցինք անել այն ամենը ինչ կարող էինք: Մրցակիցը չզարմացրեց: Գիտեինք, որ նրանք մեծ կարողություններով թիմ են, ֆիզիկական պատրաստվածությունն էլ է շատ բարձր էր»: