«Չորրորդ իշխանություն». Խաչատուրովի որդին նշանակվեց երկրորդ բանակային կորպուսի հրամանատար

«Չորրորդ իշխանություն»-ը գրում է. «Սերժ Սարգսյանի երեկվա հրամանագրերով փոխվել են Հայաստանի զինված ուժերի հինգ բանակային կորպուսներից երեքի հրամանատարները: Ամենաինտրիգայինը վերջին նշանակումների մասով այն է, որ երկրորդ բանակային կորպուսի նոր հրամանատար է նշանակվել գլխավոր շտաբի պետ Յուրի Խաչատուրովի որդին՝ գնդապետ Գրիգորի Խաչատուրովը:

Հիմա հերթով ներկայացնենք նշանակումները, որոնք բավականին կարևոր են, քանի որ խոսքը բարձր պաշտոնների մասին է:

Գեներալ-մայոր Օնիկ Գասպարյանը երեկ ազատվել է երրորդ կորպուսի հրամանատարի պաշտոնից և նշանակվել է զինված ուժերի Գլխավոր շտաբի պետի տեղակալ:

Դավիթ Մանուկյանն ու Վալերիկ Քոչարյանը նշանակվել են համապատասխանաբար երկրորդ և չորրորդ բանակային կորխուսների հրամանատարներ: Չորրորդ կորպուսի նախկին հրամանատար, գեներալ-մայոր Անդրանիկ Մակարյանը նշանակվել է հայ-ռուսական զորքերի միացյալ խմբավորման հրամանատար»:

Առավել մանրամասները՝ թերթի այսօրվա համարում: