Ղարաբաղյան հարցը կընդգրկվի ՆԱՏՕ-ի ամփոփիչ կոմյունիկեում. Սթոլթենբերգ

Լեռնային Ղարաբաղի հարցը նույնպես տեղ է գտնելու ՆԱՏՕ-ի ամփոփիչ կոմյունիկեում: Այդ մասին լրագրողների հետ զրույցում հայտարարել է ՆԱՏՕ-ի գլխավոր քարտուղար Յենս Սթոլթենբերգը, տեղեկացնում է ՌԻԱ «Նովոստի»-ն:

«Ուղերձն այնպիսին է, որ մենք բոլոր կողմերին կոչ ենք անում նվազեցնել լարվածությունը, խուսափել բռնություններից, հասնել հակամարտության խաղաղ կարգավորմանը:

Մենք աջակցում ենք այն բոլոր քայլերին, որոնք ուղղված են հակամարտության խաղաղ կարգավորմանը»,- ասել է նա: