Մանկապղծության ծանրագույն մեղադրանքով. սոսկալի է, առավել ևս, որ դեպքը տեղի է ունեցել հայոց հոգևոր մայրաքաղաքում

Մենք մեր հասարակության մեջ լուրջ խնդիր ունենք, և լուրջ անելիք ունենք մարդ և հայ մարդ դաստիարակելու իր առաքելությունը գրեթե չկատարող դպրոցից սկսած, մինչև հեռուստատեսությամբ ու համացանցով այլասերվածություն պատկերող, երբեմն նույնիսկ քարոզող տեսանյութերի ցուցադրման դեմն առնելը: Ասվածի հասցեատերը, իհարկե, առաջին հերթին պետական իշխանություններն են, որոնք այս առումով, մեղմ ասած, շատ են թերացել: Վիճակը շտկելու համար իշխանությունները կարող են նաև ոչինչ էլ չանել, բայց հետո թող որևէ մեկը չզարմանա, եթե այսպիսի նորանոր դեպքերի մասին կարդա կամ լսի, եթե այսպիսի դեպքերը գնալով շատանան: Ի դեպ, զոհը, տուժողը կարող է նաև իշխանավորի երեխա կամ թոռնիկ լինել (իհարկե, ոչ շատ բարձրաստիճան իշխանավորի, թիկնապահ չունեցող), ոչ ոք չգիտի, թե ով ում որտեղ, երբ և ինչպես կբռնացնի…

Քրեական գործի նախաքննությամբ պարզվել է, որ Տիգրան Կարապետի Գասպարյանը 2015թ. նոյեմբերին օգտագործելով մանկահասակներ' 5-ամյա Անուշ Ա.-ի և 9-ամյա Սարգիս Ա.-ի անօգնական վիճակը, նրանց նկատմամաբ կատարել է սեքսուալ բնույթի, այդ թվում' համասեռական բռնի գործողություններ:

Մասնավորապես, ըստ մեղադրական եզրակացության, Տ. Գասպարյանը 2015թ. նոյեմբերին Արմավիրի մարզի Էջմիածին քաղաքի կիսակառույց շինություններից մեկում տարբեր օրերի օգտվելով Անուշ Ա.-ի մանկահասակ տարիքով պայմանավորված' կամարտահայտության և գործողությունների նշանակությունն ընկալելու ունակությունից զրկված լինելու հանգամանքից, սեքսուալ բնույթի բռնի գործողություն է կատարել վերջինիս նկատմամբ, մասնավորապես' իր սեռական ցանկությունները բավարարելու նպատակով մերկացրել է նրան, անպարկեշտ ձևով մերկ մարմնով հպվել է աղջնակի մարմնին, ձեռքերով շոյել նրա կրծքերը, ազդրերը (մնացած մանրամասներն ավելի եղկելի են):

Բացի վերը նշվածից, Տ. Գասպարյանը 2015թ. նոյեմբերին Էջմիածին քաղաքի նույն կիսակառույց շինությունում օգտվելով Սարգիս Ա.-ի մանկահասակ տարիքով պայմանավորված'կամաարտահայտության և գործողությունների նշանակությունն ընկալելու հնարավորությունից զրկված լինելու հանգամանքից, բռնություն գործադրելու, այն է' չենթարկվելու դեպքում ծեծելու սպառնալիքներ տալով, համասեռական բռնի գործողություններ է կատարել նրա նկատմամբ, պահանջել է կատարել օրագենիտալ սեքսուալ գործողություններ և բավարարել իր սեռական ցանկությունները:

Վերը նշված արարքների համար Տիգրան Գասպարյանին մեղադրանք է առաջադրվել ՀՀ քրեական օրենսգրքի 139-րդ հոդվածի («Սեքսուալ բնույթի բռնի գործողությունները») 3-րդ մասի 2-րդ կետի հատկանիշով, որպես խափանման միջոց ընտրվել է կալանքը: Ապշել կարելի է' մի՞ թե Էջմիածնում գտնվող բազմաթիվ եկեղեցիների գմբեթները ոչինչ չեն հուշել այսօր արդեն ամբաստանյալի կարգավիճակում գտնվող Տիգրան Գասպարյանին… Մի՞ թե մարդը կարող է լինել այդ աստիճանի այլասերված ու հասնել այս վիճակին: Նույնիսկ պատկերացնելը կամ հավատալը դժվար է, այն էլ' հայոց հոգևոր մայրաքաղաքում…