Հալեպում մինչեւ 300 հազար մարդ առանց պարենի կմնա. ՄԱԿ
Աշխարհ
Սիրիայի Հալեպ քաղաքի արեւելքում շուրջ 300 հազար մարդ օգոստոսի կեսերին առանց պարենի կմա, հայտարարել է հումանիտար հարցերով ՄԱԿ-ի գլխավոր քարտուղարի տեղակալ Սթիվեն Օ’Բրայենը: Հումանիտար հարցերի համակարգման վարչության՝ հուլիսի 21-ին տարածված հայտարարության մեջ նշված է, որ Հալեպի արեւելյան մասում 200-ից մինչեւ 300 հազար մարդ կարող է հայտնվել պաշարման մեջ: «Չնայած այն բանին, որ ՄԱԿ-ի եւ մեր գործընկերների մոտ տակավին մնում են պաշարներ հումանիտար կարիքներին արձագանքելու համար, արեւելյան Հալեպում պարենն, ըստ գնահատումների, հաջորդ ամսվա կեսերին կավարտվի»,- հայտարարել է Սթիվեն Օ’Բրայենը:
Նա հակամարտության բոլոր կողմերին կոչ է արել «անհապաղ առանց նախնական պայմանների թույլ տալ անարգել մուտք գործել Սիրիայի պաշարված եւ դժվարամատչելի շրջանների միլիոնավոր բնակիչների մոտ», հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
