Քլինթոնը պաշտոնապես ԱՄՆ-ի նախագահի թեկնածու է առաջադրվել դեմոկրատների կողմից

ԱՄՆ-ի նախկին պետքարտուղար Հիլարի Քլինթոնը պաշտոնապես դարձել է ԱՄՆ-ի նախագահի թեկնածու Դեմոկրատական կուսակցությունից: Ֆիլադելֆիայում ընթացող կուսակցական համագումարի ընթացքում նրա օգտին իրենց քվեներն են տվել բավականաչափ քանակով պատգամավորներ, ինչը նրա համար ապահովել է առաջադրումը, հաղորդել է Reuters-ը:

Քլինթոնը դարձել է առաջին կինը, որը նախագահության թեկնածու է առաջադրվել ԱՄՆ-ի երկու քաղաքական կուսակցություններից մեկի կողմից: Նրա հետ միասին ընտրությունների է գնում նրա կողմից փոխնախագահի պաշտոնի համար առաջադրված սենատոր Թիմ Քեյնը Վիրջինիայի նահանգից:

ԱՄՆ-ի Դեմոկրատական կուսակցության համագումարի պատգամավորները սենատոր Բեռնի Սանդերսի կողմնակիցների թվից Ֆիլադելֆիայում հեռացել են միջոցառումից՝ ի նշան բողոքի դեմոկրատների կողմից Հիլարի Քլինթոնին որպես նախագահի միակ թեկնածու հաստատելու դեմ:

Մանդերսի կողմնակից պատգամավորների զգալի մասը դահլիճից դուրս է եկել իր առաջնորդից անմիջապես հետո, որը հեռացել է համագումարից՝ դրանից առաջ պաշտոնապես հայտարարելով, որ ինքը պաշտպանում է Քլինթոնին:

Այնուհետեւ մի քանի տասնյակ պատգամավորներ մերձակայքում գտնվող մամուլի կենտրոն են եկել պլակատներով, որոնք դիմակազերում են ԱՄՆ-ի Դեմոկրատական կուսակցության Ազգային կոմիտեն: «Սա այն է, թե ինչ տեսք ունի դեմոկրատիան»,- վանկարկել են նրանք՝ պարզաբանելով իրենց ակցիան: