ԱՄՆ Պետդեպը` «Սասնա ծռերի»` զենքը վայր դնելու և հետևանքների մասին
Արտաքին Քաղաքական
ԱՄՆ պետքարտուղարությունը «Սասնա ծռեր» խմբավորման կողմից Ոստիկանության ՊՊծ գնդի գրավման ու դեպքերի հետագա զարգացման մասին հայտարարություն է տարածել, հաղորդում է «Ամերիկայի ձայնը»:
Հայտարարությունում, մասնավորապես, ասվում է.
«Մենք թեթեւացած ենք, որ Էրեբունու ոստիկանական շենքի առճակատումը հուլիսի 31-ին ավարտվեց:
Կրկնում ենք, որ Հայաստանում քաղաքական փոփոխության հասնելու նպատակով բռնության կիրառումն անընդունելի է:
Հուլիսի 30-ին Երեւանում ԱՄՆ դեսպանատունը հայտարարություն էր հրապարակել՝ արտահայտելով ԱՄՆ-ի խորը մտահոգությունը հուլիսի 29-ի գիշերը ցուցարարներին ցրելու նպատակով ոստիկանության կողմից օգտագործված դաժան մեթոդների, ինչպես նաեւ լրագրողներին եւ նրանց տեխնիկան նշանակետի տակ առնելու վերաբերյալ:
Մենք ողջունում ենք, որ Հայաստանի կառավարությունը հանձն է առել հետաքննել զեկույցները: Մենք ուշադրությամբ կհետեւենք այդ հետաքննության զարգացմանը:
Մենք կառավարությանը կոչ ենք անում, որպեսզի ոստիկանական շենքի առճակատմանը մասնակցած անձանց օրենքի սահմաններում հավասար եւ արդար վերաբերմունք ցուցաբերի»:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
