Անգլիայի բանկը տոկոսադրույքն իջեցրեց մինչև պատմական նվազագույնը

Անգլիայի բանկը վերջին յոթ տարվա ընթացքում առաջին անգամ հանգուցային տոկոսադրույքը 0,5 տոկոսից իջեցրել է մինչև 0,25 տոկոս, տեղեկացնում է BBC-ն:

2009 թվականին կարգավորիչը հարկադրված էր հարկադրույքը 1 տոկոսից իջեցնել մինչև 0,5 տոկոս՝ համաշխարհային ֆինանսական ճգնաժամի ֆոնին:

Տոկոսադրույքն այժմ գտնվում է կարգավորիչի գոյության ամբողջ պատմության ընթացքում նվազագույն մակարդակում:

Հանգուցային տոկոսադրույքի իջեցումը մտնում է այն միջոցառումների փաթեթի մեջ, որոնք պետք է օժանդակեն տնտեսության աճին և գնաճը բարձրացնեն մինչև 2 տոկոսի մակարդակ. դա Անգլիայի բանկի նպատային մակարդակն է: Հունիսին երկրում գնաճը կազմել է 0,5 տոկոս:

Տնտեսության խթանման ծրագրի ընդլայնումը կապված է ԵՄ-ին Մեծ Բրիտանիայի անդամակցության հանրաքվեի հետևանքների հետ, որտեղ մեծամասնությունը քվեարկեց Brexit-ի օգտին: Դա հանգեցրել է ֆունտի անկման և տնտեսության աճի հեռանկարների վատթարացման: