Թուրքիայում աշխատանքից ազատել են 140 գիտնականի

Թուրքիայի գիտական արդյունաբերության և տեխնոլոգիաների նախարար Ֆարուք Օզլուն հայտարարել է, որ չափավոր իսլամի քարոզիչ Ֆեթուլլահ Գյուլենի հետ կապեր ունենալու կասկածանքով երկրի Գիտատեխնիկական հետազոտությունների ինստիտուտից (TUBIKAT) 139 գիտնական աշխատակիցներ ազատվել են:

Այս մասին հայտնում է «Անատոլու» լրատվական գործակալությունը' նշելով, որ բացի այդ, 28 աշխատակիցներ էլ հրաժարական են տվել իրենց պաշտոններից:

Թուրքիայի իրավապահ մարմինները Գյուլենի շարժման դեմ պայքարի շրջանակում օգոստոսի 3-ին գործողություններ են անցկացրել TUBIKAT-ում, որում ընդհանուր թվով 4 հազար 500 մարդ է աշխատում:

Թուրքիայի իշխող «Արդարություն և զարգացում» կուսակցության (ԱԶԿ) փոխնախագահ Հայաթի Յազըջըն NTV հեռուստաալիքին տված հարցազրույցում հայտարարել է, որ ԱԶԿ-ի կենտրոնական ապարատը և տարածաշրջանային բաժանմունքները զտումների կենթարկվեն չափավոր իսլամի թուրք քարոզիչ Ֆեթուլլահ Գյուլենի կողմնակիցներից' նշելով, որ ինչի վերաբերյալ շրջաբերական է ստորագրել:

«Անատոլու» լրատվական գործակալությունը' հղում կատարելով Թուրքիայի ներքին գործերի նախարար Էֆքան Ալային, հաղորդել է, որ հունիսի 15-ին տեղի ունեցած ռազմական հեղաշրջման փորձից հետո, որի կազմակերպման մեջ Անկարան մեղադրում Գյուլենին եւ նրա կողմնակիցներին, Թուրքիայում ձերբակալվել է մոտ 26 հազար մարդ: Ներկայում կալանման մեջ են գտնվում 13 419 կասկածյալներ, 74562 քաղաքացու անձնագիր չեղյալ է հայտարարվել:

Պաշտոնական տվյալներով' Թուրքիայում հեղաշրջման փորձի ճնշման ժամանակ սպանվել է 238 մարդ, 2917 մարդ վնասվածքներ է ստացել: Մոտ 60 հազար մարդ պաշտոնից հեռացվել է չափավոր իսլամի թուրք քարոզիչ Ֆեթուլլահ Գյուլենի ուսմունքին սատարելու կասկածանքով, որոնց Անկարան ահաբեկիչներ է համարում:

Գյուլենական շարժումը քարոզում է իսլամական չափավորություն, հանդուրժողականություն, միջկրոնական երկխոսություն, իսլամի եւ ժողովրդավարության համատեղելիություն: