ԳԴՀ բնակիչները ցանկանում են, որ ԵՄ-ն խզի փախստականների հարցով Թուրքիայի հետ համաձայնությունը

Գերմանիայի բնակիչների մեծամասնությոնը հանդես է գալիս այն բանի օգտին, որ Եվրոպական միությունը խզի փախստականների հարցով Թուրքիայի հետ հետ համաձայնությունը։ Ինչպես վկայում են Emnid սոցիոլոգիական ծառայության հարցման տվյալները, որոնք հրապարակվել են Bild am Sonntag թերթում, ՝ համաձայնության խզմանը կողմ է երկրի բնակիչների 52%-ը, դեմ՝ 35 %-ը, հայտնում է «Արմենպրես»-ը՝ վկայակոչելով ՏԱՍՍ-ը։

Համաձայնության նշանակությունը Գերմանիայի համար

Այն բանի շնորհիվ, որ Անկարայի իշխանություններն արգելափակում են փախստականների ճանապարհը Թուրքիայով և բալկանյան երկրներով, փախստականների հետ կապված վիճակը Գերմանիայում ու Եվրոպայում նորմալացել էր։ Եթե անցյալ տարի ԳԴՀ էր հասել 1.1 մլն փախստական, ապա այս տարի նրանց թիվը նվազագույնի է հասել։ Եվ եթե Անկարան դադարի արգելափակել հոսքը, ապա դա կարող է լուրջ քաղաքական հետևանքներ ունենալ Գերմանիայի կանցլեր Անգելա Մերկելի համար՝ Բունդեսթագ ընտրությունների նախօրեին. այդ ընտրությունների արդյունքներով է որոշվում կանցլերը։

Դադարեցնել ֆինանսավորումը

Թուրքիայի հետ կնքված համաձայնության ԵՄ պարտավորություններից մեկը 6 մլրդ եվրո վճարելն է։ Այդ միջոցները Անկարան պետք ծախսի փախստականներին երկրում տեղավորելու համար։ Emnid-ի հարցման մասնակիցների 69%-ը կարծում է, որ այդ վճարումները պետք է շտապ դադարեցնել, քանի որ ավելի լավ է այդ միջոցներն ուղղել Հունաստան, որն, ի տարբերություն Թուրքիայի, ԵՄ անդամ է։ 66%-ն էլ ԵՄ-ին Թուրքիայի անդամակցության շուրջ բանակցությունների դադարեցման կողմնակից է։ Պատճառը հեղաշրջման ձախողված փորձից զտումներն են, մահապատժի վերականգնման մասին խոսակցությունները, որի դեմ բազմիցս հանդես են եկել եվրոպացի քաղաքական գործիչները։

Էրդողանի հասցեին քննադատությունը

Bild am Sonntag-ի հետ հարցազրույցում Թուրքիայի նախագահ Ռեջեփ Թայիփ Էրդողանի հասցեին սուր քննադատությամբ է հանդես եկել Ազատ դեմոկրատական կուսակցության առաջնորդ Քրիստիան Լինդները, որը ներկայացնում է Գերմանիայի արտախորհրդարանական ընդդիմությունը։ «Նա ավտորիտար ռեժիմ է կառուցում՝ սեփական անձի հիմքով»,- ասել է քաղաքական գործիչը։

Մերկելի դիրքորոշումը

Լինդները քննադատել է նաև Մերկելի «անողնաշար դիրքորշումը» թուրքական իշխանությունների նկատմամբ։ Այդ տեսանկյունը Գերմանիայում տարածքում է ստանում։ Մի շարք դիտորդներ համարում են, որ երկրի ղեկավարությունը ոչ բավարար կոշտ դիրքորոշում ունի Թուրքիայի հանդեպ, քանի որ վախենում է Անկարայի կողմից փախստականների հարցով պարտավորությունների չկատարումից։

Ուժերի քաղաքական դասավորությունը

ARD հեռուստաալիքի համաձայն՝ Մերկելի քաղաքականությանն աջակցում է հարցվածների 47%-ը, ինչը 12%-ով փոքր է նախորդ ամսվա ցուցանիշից։ Ինչպես նշում է հեռուստաալիքը, քաղաքացիների դժգոհության պատճառն, ըստ երևույթին, Մերկելի միգրացիոն քաղաքականությունն է։ Հարցվածների միայն 34 տոկոսն է բավարարված նրանով, թե ինպես է աշխատում Մերկելն այդ ուղղութամբ։

Իսկ այդ ընթացքում Քրիստոնեա-սոցիալական միության ղեկավար, Բավարիայի վարչապետ Հորսթ Զեեհովերը մեծացնում է իր ժողովրդականությունը։ Կուսակցության առաջնորդը վերջին հարձակումներից հետո սուր քննադատության է ենթարկել դաշնային կառավարության միգրացիոն քաղաքականությունը և անհամաձայնություն հայտնել Մերկելի այն խոսքերի հետ, թե Գերմանիան ի զորու է լուծել փախստականների ներհոսքի հետ կապված ճգնաժամը։