Թրամփը խոստացել է իջեցնել հարկերը և ավելացնել աշխատատեղերի թիվը
Աշխարհ
Հանրապետական կուսակցությունից ԱՄՆ-ի նախագահի թեկնածու Դոնալդ Թրամփն օգոստոսի 8-ին Դեթրոյթում ելույթ է ունեցել տնտեսությանը նվիրված ծրագրային ճառով՝ խոստանալով ընտրվելու դեպքում միջին դասի համար իջեցնել հարկերը, պահպանել և ավելացնել աշխատատեղերի թիվը:
«Ես առաջարկում եմ իջեցնել հարկերը բոլոր եկամուտներից, հատկապես միջին եկամուտներով ամերիկացիների համար: Դա կհանգեցնի միլիոնավոր նոր լավ վճարվող աշխատատեղերի: Հարուստները կվճարեն իրենց արդարացի բաժինը»,- նշել է նա:
Բացի դրանից, Թրամփը խոստացել է հարկերից ազատել այն ծախսերը, որոնք կապված են երեխաների դաստիարակության հետ: «Իմ պլանը նաև կօգնի կրճատելու երեխաների խնամքի ծախսերը՝ ծնողներին թույլ տալով իրենց հարկերից լիովին հանել երեխաների խնամքի ծախսերի միջին արժեքը»,- ընդգծել է նախագահի թեկնածուն:
Թրամփը նշել է, որ իր պլանի համաձայն՝ Միացյալ Նահանգների ընկերություններից ոչ մեկը իր բիզնեսից 15 տոկոսից ավելի եկամուտներ չի վճարի հարկերի տեսքով: Նրա կարծիքով՝ փոքր ձեռնարկությունները կշահեն այդ պլանից, հաղորդել է «Ինտերֆաքսը»:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
