«Եթե մեկ էլ համարձակվես խոսել՝ կհրապարակեմ կատարածդ ծանր հանցագործությունների ողջ ցանկը՝ փաստաթղթային ապացույցներով»

Թերևս հայի տականքի մասին խոսելու մեջ էլ չենք տեղավորվում...

Հայտարարությամբ հանդես է եկել Հակոբ Հակոբյանը' Ճոյտը, լկտի ստերի ու հերյուրանքների կծիկը մեծացրել Էջմիածնի ներկայիս քաղաքապետ Կարեն Գրիգորյանի և նրա ընտանիքի հասցեին:

Հակոբ Հակոբյա'ն, ախր Դուք չեք, որ պետք է խոսեք բարոյականության, չափավորության, օրինականության և արդարության մասին: Մարդկանց հասցեին նման լուտանքներ թափելուց առաջ հիշեք Ձեր անցյալը, հիշե'ք, թե ինչպես էիք Դուբայում տաբատ գողանալու համար բռնվել և ինչպես էին հանրայինի եթերում ողջ ազգիս մատուցում Ձեր արկածները, անվարան դրանք ներկայացնելով այնպես, ինչպես կար: Իմացե'ք, որ դա Ձեր գողության ավարը չէր, այդ տաբատի պատմությունը ազգիս խայտառակությունն էր: Հիշե'ք Ձեր կողմից ստեղծած անթիվ-անհամար ՍՊԸ-ները, որոնց միջոցով ակնհայտորեն պետությանը քցելու և հարկերից խուսափելու փորձեր են եղել:

Պետությունից միլիարդներ ես գրպանել, հարյուրավոր ընկերություններ ես միտումնավոր սնանկության տարել: Եթե մեկ էլ համարձակվես խոսել, կհրապարակեմ կատարածդ ծանր հանցագործությունների ողջ ցանկը՝ փաստաթղթային ապացույցներով, իրավապահ մարմինների վճիռներով: Կամ հիշե'ք գազի խողովակի պատմությունը, անգամ վերջերս Ձեր իսկ գազալցակայանի պայթյունը, որը շահագործվել էր խախտումներով և որի հետևանքով տուժեցին հենց Ձեր հարազատները:

Եվ այս ամենից հետո էլ Հակոբ Հակոբյան մարդ տեսակը շինծու և ստահոդ լուրերով ու սադրանքներով փորձում է մոլորեցնել էջմիածնեցուն, անգամ հանդես է գալիս կոչով և իր զզվելի ձեռագրով, լպրծուն մտքերով փորձում վարկաբեկել Գրիգորյան Կարենին:

Այնպես էլ մի փռված, տեսախցիկի առաջ պոզա ընդունած ասում ես՝ սրան եմ պաշտպանում, կարծես՝ քո պաշտպանելուց բան է կախված: Դու որեւէ մեկի թեկնածությունը պաշտպանելով՝ ավելի ես վարկաբեկում այդ վարկաբեկված թեկնածուին: Իսկ Կարեն Գրիգորյանն Էջմիածնում այլընտրանք չունի, նրա հաջողությունները բոլոր ոլորտներում ակնառու են, նրա օրոք Էջմիածինը ծաղկել, լուսավորվել, բարեկարգվել է: Ընտրություններն էլ կանցնեն, բայց տեսակդ կմնա Հակո'բ, դա կեղեքողի, սրիկայի, ստորի ու թուրքանման հայի տեսակն է, որին հիշել է և' Խորենացին, և' Նժդեհը, և' մեր օրերում համայն հայությունը: Եվ բնութագիրդ դիր թևիդ տակ ու ընկիր մեծերիդ դռները. կարծում եմ կհասկանան, որ սխալ մարդու և անգամ սխալ կատարածուի հետ գործ ունեն: Կյանքդ մռայլ, կյանքդ մոլոր կանցնի, ունայն՝ լոկ հուշերով...

ԵԿՄ անդամ Մամիկոն Խուրշուդյան