ՀՀ-ն նոր գլխավոր դատախազ ունի

Քիչ առաջ հայտնի դարձավ ՀՀ գլխավոր դատախազի ընտրության արդյունքները:

Ըստ ԱԺ հաշվիչ հանձնաժողովի նախագահ Սուքիաս Ավետիսյանի ներկայացրած տվյալների՝ 131 պատգամավորից քվեարկությանը մասնակցել է 103 պատգամավոր: 3 քվեաթերթիկ ճանաչվել է անվավեր: Կողմ է քվեարկել 97, դեմ' 3 պատգամավոր:

Արդյունքում՝ Ազգային ժողովի կողմից ՀՀ գլխավոր դատախազ ընտրվեց Արթուր Դավթյանը: 

Արթուր Սարգսի Դավթյան

Արդարադատության I դասի խորհրդական

Ծնվել է 1978թ. դեկտեմբերի 8-ին, Շիրակի մարզի Հոռոմ գյուղում:

Մասնագիտական գործունեություն

ՀՀ Ազգային ժողովի' 15.09.2016 թ. որոշմամբ նշանակվել է ՀՀ գլխավոր դատախազ
2016թ. հունիսի 22-ի ՀՀ նախագահի հրամանագրով Արթուր Դավթյանը նշանակվել է ՀՀ գլխավոր դատախազի տեղակալ
2013-2016թթ. – Երևան քաղաքի դատախազ
2012-2013թթ. – Երևան քաղաքի Շենգավիթ վարչական շրջանի դատախազ
2008-2012թթ. - ՀՀ գլխավոր դատախազության մարդու իրավունքների դեմ ուղղված հանցագործությունների գործերով վարչության պետի տեղակալ
2007-2008թթ. – ՀՀ գլխավոր դատախազության մարդու իրավունքների դեմ ուղղված հանցագործությունների գործերով վարչության ավագ դատախազ
2006-2007թ.- ՀՀ գլխավոր դատախազության հետաքննության և նախաքննության օրինականության նկատմամբ հսկողության վարչության դատախազ
2000-2006թթ. – ԵՊՀ քրեական դատավարության և կրիմինալիստիկայի ամբիոնի դասախոս
Դասախոսում է «Հայաստանում Ֆրանսիական Համալսարանում», «Երևանի Պետական Մանկավարժական Համալսարանում»:

Կրթություն

2005թ. – Իրավաբանական գիտությունների թեկնածու
2001-2004թթ. – ԵՊՀ, ասպիրանտուրա
1999-2001թթ.- ԵՊՀ , մագիստրատուրա
1995-1999թթ. – ԵՊՀ, բակալավրիատ

Ամուսնացած է, ունի երկու դուստր