Էջմիածնում մայթերն ու ավտոճանապարհները մաքուր են

Էջմիածնի քաղաքապետ Կարեն Գրիգորյանի անդավաճան սկզբունքն է, որ դեռ օգոստոսից քաղաքապետարանը պարտավոր է պատրաստ լինել ձմռանը: Ամռան վերջին արդեն կուտակված է լինում անհրաժեշտ քանակությամբ տեխնիկական աղ եւ խարամի ավազ, ձեռք բերված են լինում տեխնիկական բոլոր անհրաժեշտ միջոցները, անհրաժեշտության դեպքում՝ դրանք բերվում են սարքին վիճակի, ամեն տարի նաեւ նոր տեխնիկա է գնվում:

Բնական է, որ այս պայմաններում նախորդ օրն ու ամբողջ գիշեր տեղացած առատ ձյունը տհաճություն չպատճառեցին էջմիածնեցուն: Քաղաքապետարանի մասնագետներն ու բանվորներն ամբողջ գիշեր աշխատել են՝ ապահովելով Էջմիածնի փողոցներում ավտոճանապարհների եւ մայթերի անցանելիությունը: