Կրասնոդարում վթարի է ենթարկվել Երեւան-Պետերբուրգ երթուղու միկրոավտոբուսը. Տուժածները ՀՀ քաղաքացիներ են

Այսօր՝ հունվարի 22-ին, ժամը 14.27-ին տեղեկատվություն է ստացվել, որ Ռուսաստանի Դաշնության Կրասնոդարի մարզի Պավլովյան շրջանում Երեւան-Սանկտ Պետերբուրգ երթուղին իրականացնող «Mercedez-Benz» մակնիշի 27 UL 776 համարանիշի միկրոավտոբուսը Մ-29 ավտոճանապարհի 12-րդ կմ-ին վթարի է ենթարկվել. կան տուժածներ:

Ինչպես տեղեկանում ենք ԱԻՆ պաշտոնական կայքից, միկրոավտոբուսմ եղել են 7 մարդ, վթարի հետեւանքով տուժել են 5-ը: Տուժածները տեղափոխվել են Պավլովյան շրջանի կենտրոնական հիվանդանոց:

Բոլոր ուղեւորները եղել են ՀՀ քաղաքացիներ:

Տուժածներ`

1985 թ. ծնված Վանուշ Սահակյան,

1987 թ. ծնված Մհեր Քոթանջյան,

1987 թ . ծնված Գարիկ Կոստանդյան,

ՃՏՊ-ի հետևանքով մյուս տուժածների տվյալները ճշտվում են:

Նախարարությունը կտրամադրի լրացուցիչ տեղեկատվություն: