Փորձ է արվում կարգավորել Հայաստանում բուքմեյկերական ընկերությունների գործունեությունը. Զոհրապ Եգանյան

Ֆեյսբուքյան օգտատեր Զոհրապ Եգանյանը իր ֆեյսբուքյան էջում գրել է.

ԱԺ երկու պատգամավորներ օրենսդրական նախաձեռնությամբ են հանդես եկել, որով փորձ է արվում կարգավորել Հայաստանում բուքմեյկերական ընկերությունների գործունեությունը, կամ ավելի ճիշտ դրանց գործունեության խստացումներ են մտցվում: Դեռ ամբողջությամբ ծանոթ չեմ նախագծին, բայց այս ոլորտն իսկապես պետք է կարգավորել, բայց այնպես չանել, որ այդ շրջանառությունը ևս տեղափոխվի վրացական կամ ռուսական տնտեսվարողներին: Իրականության հետ պետք է հաշվի նստել՝ խաղադրույք անող մարդիկ կան ու կլինեն, իսկ համացանցի այս դարում նրանք հաստատ կգտնեն միջոց դրսի բուքմեյքերներով դա անելու և փողերը ստանալու:

Այս ոլորտում, որքանով ես եմ տեղյակ՝ աշխատում է շուրջ 2-3 հազար մարդ, իսկ միայն ամենամյա լիցենզավորման համար պետական բյուջե է գնում մոտավորապես 2 մլրդ դրամ, չհաշած մյուս վճարները: Որքանով տեղյակ եմ, օրինակ հարևան Իրանի քաղաքացիները մեր բուքմեյքերների բջջային հավելվածներով ահագին մեծ գումարներ են թողնում Հայաստանին, այլ երկրներից ևս օգտնում են մերոնց պրոդուկտներից ու լավ թե վատ, բայց փող է մտնում Հայաստան:

Ասելիքս այն է, որ օրենքի տեսք ստանալուց առաջ արժի, որպեսզի ռիսկերը դիտարկվեն ավելի խորությամբ, մեկ բան ևս, լրատվական բոլոր կայքերում և հեռուստատեսության տարբեր հաղորդումների հովանավորներն ու գովազդատուները հենց այդ ընկերություններն են, եթե նրանց գովազդն արգելվի, ապա դաշտը լրջագույն ֆինանսական խնդիրների առաջ կկանգնի: