Հովիկ Աղազարյանն առաջարկում է Սասուն Խաչատրյանին չկանչել քննիչ հանձնաժողով

Ինչպես արդեն տեղեկացրել ենք՝ ԱԺ-ում քննարկվում է ԱԱԾ և ՀՔԾ ղեկավարներին գաղտնալսելու հարցով ստեղծված քննիչ հանձնաժողովի աշխատակարգը:

ԱԺ ԵԼՔ խմբակցության  պատգամավոր Հովիկ Աղազարյանն առաջարկեց Սասուն Խաչատրյանին չկանչել քննիչ հանձնաժողով. «Որովհետև, եթե մենք ձևակերպում ունենք արդարատաության իրականացմանը խոչընդոտելու, արդար դատաքննություն իրականացնելու, ապա մի տեսակ ստացվում է, որ մենք գնահատական ենք տալիս: Այդ դեպքում միգուցե հանձնաժողովը մանրաասնությամբ լսի հեռախոսազրույցը կամ եթե բոլորս տեղյակ ենք՝ գնահատական տանք՝ արդյոք խոչընդոտվել է արդարադատությունը՝ նոր հրավիրենք Սասուն Խաչատրյանին»,- ասաց Աղազարյանը:

ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանն էլ առաջարկեց քննիչ հնձնաժողովի աշխատակարգում հստակ պետք է դրույթ նախատեսել, թե հանձնաժողովը ինչպիսի ձայների հարաբերակցությամբ պետք է որոշում ընդունի կամ այս կամ այն անձին քննիչ հանձնաժողովի նիստ հրավիրելու, քննելու համար, իսկ տվյալ անձինք  պետք է ներկա գտնվեն՝ հարցերին պատասխանելու համար: 

ԱԺ փոխնախագահ Արփինե Հովհաննիսյանը հստակեցում մտցրեց. «Մենք ոչ թե գնահատական ենք հնչեցնում՝ արդարադատության իրականացմանը խոչընդոտվել է, թե՝ ոչ, այլ խոսում ենք ձայնագրության փաստի առնչությամբ առերևույթ նման խնդիրները քննարկման առարկա դարձնելու մասին: Մեր հանձնաժողովի ստեղծումը հենց դրան է վերաբերում. այսինքն՝ կքննենք, կլսենք, արդյունքում էլ որոշում կկայացնենք՝ ինչպիսի պաշտպանվածության մակարդ կա, արդարադատության իրականացմանը խոչընդոտել է, որևէ պաշտոնատար անձ իր գործողություններն իրականացրել է, թե՝ ոչ»,- ասաց Հովհաննիսյանը՝ ընդգծելով, որ թեև բոլորը լսել են այդ ձայնագրույթունը, ունեն իրենց եզրակացությունները, բայց հանձնաժողովն իրենց կատարած եզրակացությունները ոչ թե իրավաբանորեն ներկայացնելու համար է, այլ դրանք քննարկելու: