Ուգանդայի 39-ամյա բնակչուհին 44 երեխա ունի. նա ստացել է «ամենաբեղմնավոր կին» կոչումը

39 տարեկան հասակում Մարիամ Նաբատանցին հասցրել է 44 երեխա ծնել, սակայն երեխաներից 6-ը մահացել են: Իր այս «կարողության» համար կինը ստացել է Արևելյան Աֆրիկայի ամենաբեղմնավոր մոր կոչումը:

Մարիամը ամուսնացել է 12 տարեկանում, սակայն ամուսնությունը չափազանց անհաջող էր: Կինը պարբերաբար բռնության էր ենթարկվում ամուսնու կողմից և հղիանում:

Նա 4 անգամ եռյակ է ծնել, 3 անգամ՝ քառյակ և երկվորյակ: Այսօր ավագ որդին 23 տարեկան է, իսկ կրտսերը՝ ընդամենը 5 ամսական: Եվ քանի որ երեխաներից 6-ը մահացել են, այսօր նա ունի 10 դուստր և 28 որդի: Եվ միայն վերջին ծննդաբերությունն է կատարվել կեսարյան հատումով:  

Կինը սկսել է կասկածել, որ իր օրգանիզմի հետ ինչ-որ բան այն չէ 23-րդ երեխայի ծննդից հետո, սակայն բժիշկները չեն կարողանում բացահայտել նրա բեղմնավորության ֆենոմենը:

Բարեբախտաբար, թե դժբախտաբար, նրան լքել է ոչ սիրելի ամուսինը և միայնակ թողել երեխաների հետ: Սակայն Մարիամը չի պատրաստվում հրաժարվել իր երեխաներից ու զրկել ինքն իրեն նրանց հանդեպ մեծ սիրուց:  

Հասկանալով, որ միայնակ գլուխ չի հանի, նա հայրենակիցներից օգնություն է խնդրել: Ուգանդայի բնակիչ Կարո Օմուն պատասխանեց կնոջ օգնության կանչին և ֆեյսբուքյան էջ ստեղծեց՝ ընտանիքի համար նյութական միջոցներ հավաքելու նպատակով:

Հավաքված գումարը Մարիամը կծախսի ամենաանհրաժեշտ իրերի վրա, հիմնականում՝ սննդի, քանի որ ընտանիքին օրական մոտավորապես 22 կգ հաց է հարկավոր լինում:

Շատերը չեն հասկանում, թե ինչու է այս կինն այսքան երեխաներ ծնել, եթե գիտեր, որ հետագայում տառապելու է դրա հետևանքով: Սակայն աֆրիկյան կանայք չունեն իրավունք որոշելու՝ ունենալ երեխաներ, թե ոչ: