ՀՀԿ համար «վիզ դնողները» կտեղավորվեն ՔՊ-ո՞ւմ
Վերլուծական
Վերջին շրջանում Հայաստանի մի շարք մարզերում, քաղաքներում և գյուղերում հետաքրքիր տենդենց է նկատվում, այսպես ասած քաղաքական տյունինգ, կամ կերպարանափոխություն է սկսվել նախկինում ՀՀԿ-ական կամ ՀՀԿ համար «վիզ դնող» քաղաքապետերի, գյուղապատերի շրջանում: Օրինակ , իրենց պաշտոնները պահպանած Գյումրու, Վանաձորի, Արտաշատի քաղաքապետերը ակնհայտ «կրոնափոխության» ճանապարհին են, պատճառներն էլ միայն իրենք կիմանան՝ գուցե ցանկանում են պահել իրենց աթոռները, ոմանք էլ գուցե պարզապես ձգտում են այս կերպ հաճոյանալով նոր իշխանավորներին՝ զերծ մնալ սեփական «արածի և չարածի» դիմաց պատասխանատվություն ստանձնելուց: Նույնը վերաբերվում է նաև Հանրապետական գյուղապետերին, որոնք հոկտեմբերին սպասվող ՏԻՄ ընտրություններին պատրաստվում են կրկին առաջադրվել , սակայն արդեն ոչ թե հարազատ կուսակցության, այլ ինքնաառադրված թեկնածուների կարգավիճակով: Հեռու չէ նաև այն օրը , երբ Հայաստանի քաղաքական դաշտում ՀՀՇ-ի ժամանակներից ձևավորված ավանդույթի համաձայն նրանք կձգվեն դեպի ուժեղն , այլ կերպ ասած՝ օրվա իշխանությունը:
Իսկ այժմ ըստ հերթականության: Արտաշատի ՀՀԿ-ական քաղաքապետ Կարեն Բենիամինյանը օրինակ՝ «կրոնափոխ» լինելու ճանապարհին է։ Նա շաբաթ օրը կրնկակոխ ուղեկցում էր աշխատանքային այցով մարզ այցելած վարչապետին։ Տեղեկություններ կան, որ Բենիամինյանն ու մարզպետ, «ՔՊ» անդամ Գարիկ Սարգսյանը մտերմացել են, եւ այդ հողի վրա Գազի Հովոյի սանիկ, ՀՀԿ-ական քաղաքապետ Բենիամինյանը հեղափոխական փոփոխություններ է իրականացրել իր ներսում եւ քաղաքապետարանում։ Ըստ մամուլում առկա տեղեկությունների՝ ` Գյումրու քաղաքապետ Սամվել Բալասանյանը այս օրերեին ևս սկսել է բավականին ակտիվ կերպով աշխատել ՀՀ վարչապետ Նիկոլ Փաշինյանի համար, ՔՊ-ին անդամակցելու նպատակով: Դժվար է անգամ հիշել թե իր կյանքում քանի քաղաքական ուժ է փոխել Բալասանյանը, սակայն վստահորեն կարող ենք ասել, որ ՔՊ-ն էլ չի լինելու նրա վերջին քաղաքական հանգրվանը: Ինչ վերաբերվում է Վանաձորի քաղաքապետ, կանանց սրտի տիրակալ Մամիկոն Ասլանյանին, ապա որոշ տեղեկությունների համաձայն Մամիկոն Ասլանյանը Երևանի ավագանու արտահերթ ընտրություններում իր ունեցած բոլոր ռեսուրսները պատրաստվում էր ծառայեցնել «Իմ քայլը» դաշինքի օգտին՝ ի նշան շնորհակալության, որ մյուս ՀՀԿ-ական քաղաքապետերի պես իրեն էլ չպարտադրեցին հրաժարական ներկայացնել։ Ծառայեցրել է թե ոչ՝ ցույց կտա ժամանակը: Սակայն իրականությունը այն է, որ ՀՀԿ-ական քաղաքապետերը ակնհայտորեն ցանկանում են «լավ տեղավորվել» արդեն նոր իշխանությունների ճամբարում…
Ստացվում է հետագայում էլ նոր իշխանությունները հենվելու են հին կադրերի վրա, ինչը մեղմ ասած չի տեղավորվում Նոր Հայաստանի տրամաբանության մեջ: Իհարկե, նրանք կարող են ջանք ու եռանդ չխնայել Փաշինյանի թիմի համար, ծառայել նույն նվիրումով, ինչ և Հանրապետական ղեկավարությանն էին ծառայում, սակայն արդյո՞ք նման որակ հարկավոր է հենց Փաշինյանին և իր թիմին, արդյո՞ք անհրաժեշտ է գնալ ՀՀԿ-ի կողմից տրորված արահետով…
Ս.Խաչատրյան
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
