Պետական վերահսկողական ծառայությունն ավարտել է ուսումնասիրություններն Էջմիածնի քաղաքապետարանում և Ագրարային համալսարանում

Հայաստանի պետական վերահսկողական ծառայությունը եկող շաբաթ վարչապետին կներկայացնի Էջմիածնի քաղաքապետարանում և Հայաստանի պետական ագրարային համալսարանում կատարած ուսումնասիրությունների արդյունքները:

Կառավարության նիստի ավարտից հետո լրագրողների հետ զրույցում այս մասին հայտնեց ՀՀ պետական վերահսկողական ծառայության պետ Դավիթ Սանասարյանը: «Այս պահին չեմ կարող ասել ուսումնասիրության արդյունքներով որքան վնասի մասին է խոսքը: Երբ վարչապետին զեկուցենք, ուղարկենք իրավապահներին, ձեզ անպայման կտեղեկացնենք»,-ասաց Սանասարյանը: