Ոնց որ իրենք երկնքից են իջել ու ոտքերն էլ ամպոտ են․ Լևոն Գալստյան

Բնապահպան Լևոն Գալստյանը իր ֆեյսբուքյան էջում գրել է․

«Այսօր Ազգային ժողով կոչվող կառույցում Սևանա լճի հիմնախնդիրների մասին լսումներ էին, և ՀՀԿ-ի ու իրենց հետ կոալիցիա եղած ուժերի պատգամավորները մի այնպիսի մտահոգ դեմքերով հարցեր էին տալիս ու առաջարկներ անում՝ ոնց որ իրենք երկնքից են իջել ու ոտքերն էլ ամպոտ են, և իրենք ոչ մի կապ չունեն երկու տասնամյակ երկիրը և նաև Սևանը կործանման եզրին հասցնելու հետ։
Իհարկե իրենք ստացան արժանի պատասխանն ու վերաբերմունքը մեր և հանրության մյուս անդամների կողմից։

Հ․Գ․ Իրենց հարցերը տալուց և պատասխանները լսելուց հետո ուզում էին հանգիստ թռնել դահլիճից, բայց չստացվեց բոլորի մոտ՝ հատկապես Խոսրով Հարությունյանի»։