Այսօր, ըստ ամենայնի, կկայանա վարչապետի հանդիպումը ԲՀԿ-ի հետ. «Հրապարակ»
Հայկական Մամուլ
«Հրապարակ» թերթը գրում է.
Ե՞րբ են տեղի ունենալու վարչապետ-ԱԺ ֆրակցիաներ բանակցությունները։ Վարչապետի մամլո խոսնակ Արման Եղոյանն ասաց. «Որքան շուտ լինեն բանակցությունները, այնքան՝ լավ»։ Որքա՞ն շուտ։ «Առաջիկա շաբաթների ընթացքում»։
Ի՞նչ ֆորմատով են ընթանալու բանակցությունները՝ վարչապետ-ֆրակցիայի ղեկավա՞ր, թե՞ թիմային։ «Ֆորմատը կորոշվի հընթացս, այն կարող է տարբերվել հանդիպումից հանդիպում»։ Արտախորհրդարանական ուժերի հետ ե՞ւս հանդիպումներ լինելու են։ «Դա կորոշվի ըստ քաղաքական իրավիճակի»։ Դո՞ւք էլ եք նախընտրում հեծանիվով գործի գալու «տարբերակը»։
«Քանի որ ես ապրում եմ Զեյթունում, հեծանիվով գործի գալը խնդիր չէ, այլ հարց է գործից տուն վերադառնալը»։ Կառավարությունն է՞լ է անցել հեծանիվի, թե՞ դա մեկանգամյա ակցիա էր. ի դեպ, տեղեկություն կա, որ առաջիկայում կառավարության մեքենաների թվի լուրջ կրճատում է սպասվում։
«Վարչապետն արեց իր քայլը, ակնկալվում է, որ մյուս պաշտոնյաները եւս աստիճանաբար կանցնեն ավելի խնայողական եւ էկոլոգիապես մաքուր փոխադրամիջոցների»։ Երեկ կայացավ Վահրամ Բաղդասարյան-Նիկոլ Փաշինյան առաջին հանդիպումը՝ «Մարիոթում»։ Այսօր, ըստ ամենայնի, կկայանա հանդիպում ԲՀԿ-ի հետ՝ Նաիրա Զոհրաբյան, Միքայել Մելքումյան կազմով։ Վաղը՝ ՀՅԴ-ի հետ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
