Ջրաձորի և Ամասիայի ջրանցքներն օտարվել են շուկայական արժեքից 10 անգամ պակաս գնով. Գլխավոր դատախազությունում քրեական գործ է հարուցվել

Տնտեսական զարգացման և ներդրումների նախարարության պետական գույքի կառավարման կոմիտեի նախագահ Նարեկ Բաբայանը իր ֆեյսբուքյան էջում գրում է.

Այսօր ՀՀ գլխավոր դատախազությունը քրեական գործ է հարուցել Ամասիա համայնքի Ջրաձորի ջրանցքի օտարման կապացությամբ։ Կառավարության 2017թ. ապրիլի 13-ի 372-Ա որոշմամբ «Անի» ԲԲԸ-ին էր վաճառել ռազմավարական նշանակության, վաճառքի ոչ ենթակա գույքը, 22 մլն 695 հազար դրամով։ Ջրանցքն ու հողամասը ապօրինաբար պատշաճ գնահատման չէր ենթարկվել՝ գնահատված արժեք «գրելով» 30 մլն դրամ։ Իմ հրամանով այն ս.թ. սեպտեմբերին գնահատվել է և արժեքը կազմել է 244,6 մլն դրամ (օրենքով գնահատման թույլատրելի առավելագույն շեղումը 20% է)։

Այսպիսով պետությանը հասցվել է շուրջ 220 մլն դրամի վնաս։ Մենք հետամուտ ենք լինելու բոլոր տեսակի ապօրինությունների բացահայտմանը։
Հղումները՝ մեկնաբանությամբ։