ԱՄՆ-ը գաղտնի ռազմակայաններով փորձում է Իրանի «դեմն առնել». La Repubblica

ԱՄՆ Պետքարտուղար Հիլարի Քլինթոնը Իսրայելի վարչապետ Բենիամին Նեթանյահուին վստահեցրել է, որ ԱՄՆ–ը հնարավոր ամեն ինչ անում է Իրանի միջուկային ծրագրի իրագործումը կանխելու համար, գրում է La Repubblica–ի հոդվածագիր Անջելո Ակուարոն։ 

«Բարաք Օբաման պատրաստ է պատերազմել միջուկային զենք ստեղծել ցանկացող այաթոլաների դեմ, և Թեհրանի քողարկված ռազմական ծրագիրը կանխելու համար ԱՄՆ–ը Պարսից ծոցի կենտրոնում՝ Քաթարում սուպերկայան է կառուցում։ Հայտնի է, որ Իրանի հրթիռների հեռահարությունը մինչև Իսրայել և եվրոպական երկրներ է, իսկ 2015–ին Թեհրանը պարաստվում է դրանց հեռահարությունը հասցնել մինչև ԱՄՆ–ի տարածքում գտնվող ռազմական օբյեկտներ», – նշված է հոդվածում։  

Ըստ հոդվածագրի, ժամանակ չկորցնելու համար Պենտագոնը սկսել է արագացնել այդ գործընթացը։ Արդեն սեպտեմբերին անցկացվելիք մասշտաբային զորավարժությունների ընթացքում ԱՄՆ–ի զինուժը պետք է ցույց տա իր ռազմական ողջ պոտենցիալը։ Անհանգստության պատճառը Թեհրանի կողմից Օրմուզդի նեղուցն արգելափակելու սպառնալիքն է, որով էլ Իրանի այդ քայլը կնշանակի պատերազմի սկիզբ։   

Քաթարում ռադիոտեղորոշիչ կայանում գործելու են ռենտգենյան հաճախականությամբ տեղորոշիչ կայաններ և այն դառնալու է «եռանկյունու 3–րդ սուր անկյունը»՝ Իսրայելի Նեգև անապատում և կենտրոնական Թուրքիայում գործող ռադիոտեղորոշիչ կայանների հետ միասին։ Սակայն ավելի բարձր պաշտպանվածություն ունենալու համար ԱՄՆ–ը մտադիր է ևս մեկ պաշտպանական համակարգ ստեղծել՝ Thaad հակահրթիռային համակարգ անունով։ 

Պատահական չէ, որ ԱՄՆ–ի ռազմական ծրագրերի մասին հայտնի դաձավ Հիլարի Քլինթոնի և Իսրայելի վարչապետ Բենիամին Նեթանյահուի հետ բանակցությունների ընթացքում՝ «մեր վարած քաղաքականությունը պետք է առաջնորդվի երկու հիմնական ուղղություններով՝ դիվանագիտության և ճնշումների»։ 

Դատելով Պենտագոնի կողմից ուղարկող ռազմանավերի և ՌՏԿ–ների տեղակայումից՝ կարելի է եզրակացնել, թե որ ուղղությամբ է ԱՄՆ–ը առաջ շարժվում, գրում է La Repubblica–ն։