Խոշոր վթար Արցախում. «Լեքսուսը» գլորվել է ձորը. վիրավորներին ուղղաթիռով տեղափոխում են Երևան (լուսանկարներ)

Այսօր՝ հուլիսի 23-ին՝ ժամը 06:30-ի սահմաններում, Վարդենիս-Մարտակերտ ավտոճանապարհի 80-րդ կիլոմետրին ՀՀ, Լոռու մարզի բնակիչ, 47-ամյա Կ. Խ-ն, վարելով «LEXUS RX 300» մակնիշի ավտոմեքենան, դուրս է եկել ճանապարհի երթևեկելի մասից աջ և գլորվել ձորը:

Արցախի ոստիկանությունից հայտնում են, որ վթարի հետևանքով վերջինս և ուղևոր՝ Մարտակերտի շրջանի բնակիչ, 34-ամյա Ա. Ա-ն, ստացած տարբեր մարմնական վնասվածքներով տեղափոխվել են ՀՀ Վարդենիսի բժշկական կենտրոն, իսկ այնտեղից ուղղաթիռով հասցրել են Երևան:

Նախնական տվյալներով՝ վթարի պատճառ է հանդիսացել «LEXUS RX 300» մակնիշի ավտոմեքենայի վարորդի անզգուշությունը։

Ստուգմամբ զբաղվում է ոստիկանության շրջանային բաժինը: