Ավտոբուսի վարորդը 3-4 կանգառի ընթացքում խոսել է հեռախոսով, անտեսել հեռախոսն անջատելու հորդորները (տեսանյութ)

Ֆեյսբուքյան օգտատեր Լուսինե Շահբանդարյանն իր էջում տեսանյութ է տեղադրել երևանյան երթուղային տրանսպորտում վարորդի և ուղևորի միջև տեղի ունեցած միջադեպից: Նա հայտնում է, որ 44 համարի ավտոբուսի վարորդը 3-4 կանգառի ընթացքում խոսել է հեռախոսով:

«Հարգելի Երևանի քաղաքապետարան / Yerevan Municipality
44 համարի ավտոբուսի վարորդը 3-4 կանգառի ընթացքում խոսում է հեռախոսով, իմ հեռախոսն անջատելու հորդորներին ( որոնց սկզբնական մասը ցավոք չկա տեսագրությունում) պատասխանում է «լավ եմ անում խոսում եմ, օրենքը խախտելու համար է, գնա ինչ ուզում ես արա», և, որ ամենահետաքրիրն է՝ոչ մի կերպ չի ներկայանում: Դիսպետչերանոցում դիսպետչերն ինձ ասում է. «այդպիսի օրենք չկա, որ վարելու ընթացքում չի կարելի խոսել» և նույնպես հրաժարվում է ասել ինձ սպասարկող վարորդի անուն ազգանունը... Նկարներից մեկնումեկի ավտոբուսի վարորդն էր. մինչև խոսեցի վերադարձա, որ նկարեմ, արդեն 2-րդ ավտոբուսն էր եկել կանգնել: Իմիջիայլոց, հանուն արդարության ասեմ, որ չվացուցակի առումով շատ լավ աշխատող երթուղի է...

Հարգելի ՀՀ պետական եկամուտների կոմիտե / State Revenue Committee of Armenia կարծում եմ սպասարկող անձնակազմի անուն ազգանուն պարունակող կրծքանշանների առկայության ստուգումը պետք է, որ ձեր գործառույթը լինի»։