Այս շոգին քաղաքացիները 14 ժամ ջուր չունեն (տեսանյութ)

Այսօր «Մեկ Հայասատան կուսակցության» մամուլի գրասենյակի ղեկավար, քաղխորհրդի անդամ Լուսինե Մարգարյանի  ֆեյսբուքյան գրառումից տեղեկացանք, որ դեռ երեկ՝ 21:30-ից սկսած, դադարեցվել է Արգիշտի 7/6 շենքի ջրամատակարարումը:
Բնակիչները դիմել են համապատասխան  մարմիններին, սակայն ոչ մի հստակ տեղեկատվություն չեն ստացել խնդրի վերաբերյալ:

ԼՈՒՐԵՐ.com-ը  կապ հաստատեց քաղաքապետարանի աշխատակիցների հետ, որոնցից տեղեկացանք, որ վթարի հետևանքով է դադարեցվել ջրամատակարարումը, այժմ էլ ընթանում են աշխատանքներ, սակայն, թե երբ տվյալ  շենքում նորից ջուր կլինի, տվյալ անձինք տեղյակ չէին:

Ստորև ներկայացնում ենք գրառումը՝

«Երևան, մեր օրեր, հուլիսի 24֊ի առավոտ, քաղաքացիները ջուր են կրում։ Հուլիսի 23֊ին ժամը 21։30֊ից Երևանի Արգիշտի 7/6 շենքում, (հայտնի Գլենդել հիլզ թաղամաս, քաղաքապետարանի քթի տակ) ջուր չկա։ 40֊ից բարձր ջերմաստիճանի պայմաններում 14 ժամ ջուր չկա։ Զանգերը համատիրություն, տեղամասային կետ, առավել ևս Veolia Jur անհասկանալի ու անպատասխանատու են։
#Veola jur# Երևանի քաղաքապետարան# Կենտրոն 1 համատիրություն»: