Բռնցքամարտի Հայաստանի ֆեդերացիան հեռացվել է ՀԱՕԿ-ի կազմից
ՍպորտՀայաստանի Հանրապետության բռնցքամարտի ֆեդերացիա հասարակական կազմակերպությունը ՀԱՕԿ-ի արտահերթ գլխավոր ասամբլեայի ընթացքում հեռացվեց Օլիմպական կոմիտեի անդամակցությունից:
Ասամբլեային ներկա ՀԱՕԿ 67 անդամներից 2-ը ձեռնպահ քվեարկեցին, 1-ը չմասնակցեց քվեարկությանը, իսկ մնացածը կողմ քվեարկեցին:
ՀԱՕԿ գլխավոր քարտուղար Հրաչյա Ռոստոմյանն իր խոսքում նշեց՝ ժամանակն է՝ շուրջ մեկ տարի արծարծվող այս հարցին վերջապես լուծում տալու համար:
Նրա խոսքով, բռնցքամարտի ֆեդերացիա ՀԿ-ին ՀԱՕԿ-ի անդամակցությունից հեռացնելու որոշմանը նպաստել են ֆեդերացիայի նախագահ Արթուր Գևորգյանի կողմից մի շարք խախտումները, անօրինությունները, ինչպես նաև ՀԱՕԿ-ի հեղինակությանը հարված հասցնելը.
«Բացի այն, որ ՀՀ-ում երևի՝ տեղ չէր մնացել, որ նամակ գրած չլինեն, ցավոք մեր անունը սևացնում են նաև միջազգային ասպարեզում: Անգամ Մինսկից առաջ ՄՕԿ-ից ստանում ենք նամակ, թե իբր անձամբ ես ահաբեկել եմ բոլոր մարզիչներին մարզիկներին, իմ դեմ ցույցեր են անցկացվում, տասնյակ հազարավոր մարդիկ փողոց են դուրս եկել իմ դեմ: Զեկույցս կառուցել եմ իրավական հիմքերի վրա, բարոյականը Աստված կդատի»,- իր խոսքում նշեց Հրաչյա Ռոստոմյանը:
Ապրիլ ամսից՝ նախարարության կողմից բռնցքամարտի ֆեդերացիայի ֆինանսավորման դադարումից հետո ՀԱՕԿ-ն է հոգացել բոլոր ծախսերը՝ կապված հավաքների, մրցաշարերի մեկնելու և այլնի հետ:
«Մեզ ֆինանսով վախեցնելը մեծ ապագա չունեցող գործիք է: Ամեն ինչ կանենք սպորտի, և մասնավորապես բռնցքամարտի զարգացման համար»,- իր խոսքում նշեց Հրաչյա Ռոստոմյանը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
