«Ի սրտե ժպիտ և հույս». բարեգործական համերգ

Տեղեկացնում ենք ձեզ, որ «Ի սրտե ժպիտ և հույս» խորագրով բարեգործական համերգը կկայանա սեպտեմբերի 18-ին ժամը 19.00-ին Արամ Խաչատրյանի անվան համերգասրահում, մասնակցությամբ՝ Հայաստանի ազգային նվագարանների պետական նվագախմբի, գեղարվեստական ղեկավար և գլխավոր դիրիժոր, հանրապետության վաստակավոր արտիստ, պրոֆեսոր Նորայր Դավթյանի, մենակատարներ՝ հանրապետության վաստակավոր արտիստներ Լեյլա Սարիբեկյան, Համլետ Գևորգյան, Արսեն Գրիգորյան, նաև սիրված երգիչ երգչուհիներ Աննա Խաչատրյան, Վարդան Բադալյան, Եվա Եգալյան, Մավռ Մկրտչյան, Սոնա Ռուբենյան, Արտակ Ստեփանյան։

«Ի սրտե ժպիտ և հույս» նախաձեռնության կազմակերպած համերգից գոյացած հասույթը ուղղվելու է օգնելու առողջական խնդիրներ ունեցող հայ փոքրիկներին և անապահով ընտանիքներին։  Բացի այդ, գոյացած հասույթի մի մասն էլ ուղղվելու է «Իմ քայլը» հիմնադրամի ֆոնդին՝ նույն առաքելությամբ։ Համերգի հովանավորներներն են մոսկվայաբնակ բարերարներ՝ Արմինե Կոստանյանը, Արթուր և Արշակ Սաֆարյան եղբայրները: Տոմսերը վաճառվում են համերգասրահի տոմսարկղում։ Տեղեկատու հեռախոսահամարներ՝ 077 575081։

Ակնկալում ենք ձեր աջակցթյունը տեղեկատվության տարածման գործում՝ օգնելու և օժանդակելու հայրենանվեր այս նախաձեռնությանը, որի ակունքներում ռուսատանաբնակ բարերար հայ ընտանիքի՝ հայ մանուկներին որևէ կերպ օգնելու մեծ ցանկությունն է։

Կիս ուղարկում ենք միջոցառման վերաբերյալ հավելյալ տեղեկատվություն։ Կանխավ շնորհակալ ենք։

Սեպտեմբերի 18-ին միասին պարգևենք ի սրտե ժպիտ և հույս։