Արոնյանը ոչ-ոքի ավարտեց գավաթի խաղարկության 4-րդ տուրի 1-ին պարտիան

Հայկական շախմատի առաջատար Լևոն Արոնյանը շախմատի գավաթի խաղարկության 4-րդ տուրում արագորեն ոչ-ոքի գրանցեց:

Ռուսական Խանտի-Մանսիսկ քաղաքում ընթացող աշխարհի գավաթի խաղարկության 4-րդ տուրում Արոնյանը մրցեց Վիետնամից Լե Քուանգ Լիեմի հետ: Պարտիայի 31-րդ քայլին գրոսմայստերները համաձայնեցին կիսել միավոր: Եվս մեկ դասական պարտիա կանցկացնեն սեպտեմբերի 21-ին:

Հայաստանի 4 ներկայացուցիչներից պայքարը շարունակում է միայն Լևոն Արոնյանը: Աշխարհի գավաթի խաղարկությունն անցկացվում է նոկաուտ համակարգով՝ պարտվողը դուրս է մնում հետագա պայքարից: Խաղարկությանը մասնակցում է 128 շախմատիստ: Մրցակիցները նախ երկու պարտիա կխաղան դասական ժամակարգով: Հավասարության դեպքում կանցկացվեն արագ և կայծակնային պարտիաներ: