«Նուբարաշեն» ՔԿՀ-ում ծխախոտատուփի մեջ կանաչ, փոշենման զանգված է հայտնաբերվել

Սեպտեմբերի 23-ին՝ ժամը 10:20-ի սահմաններում, ՀՀ ԱՆ «Նուբարաշեն» քրեակատարողական հիմնարկի աշխատակիցները հավաքակայանի խցերից մեկի պատուհանագոգին՝ դրսի հատվածում, հայտնաբերել են 3 մլ տարողությամբ 1 դատարկ ներարկիչ և ծխախոտի տուփ, որում առկա է եղել մարիխուանա տեսակի թմրամիջոցին նմանվող, 6.7 գր կանաչ, փոշենման զանգված: Այս մասին հայտնում է ԱՆ քրեակատարողական ծառայության հանրային կապերի բաժինը։

Վերոհիշյալ փաստի առթիվ նախապատրաստվում են նյութեր։

Նշանակվել է դատաքիմիական փորձաքննություն: