Գլխավոր դատախազը՝ Մարտի 1-ի գործով վկաների անվտանգությունն ապահովելու մասին (տեսանյութ)

Նախկին ոստիկանապետ Հայկ Հարությունյանի մահվան պատճառների և գործի քննության մանրամասներից խոսել է ՀՀ գլխավոր դատախազ Արթուր Դավթյանը: Նա պնդում է, որ մեծ սուտ է տարածված այն լուրը, թե ինքը կամ մեկ այլ պաշտոնյա ստիպել են սուտ վկայություն տալ Հարությունյանին. «Լրագրողներին հորդորում եմ չզբաղվել ինչ-որ բաներ հորինելով` անձնական շահերից ելնելով»:

Գլխավոր դատախազն անդրադարձել է նաև մարտի 1-ի գործով մյուս վկաների անվտանգության ապահովման խնդիրներին: «Դա իսկապես կարևոր խնդիր է: Ներկայում օրենսդրական համապատասխան փաթեթը առկա է, հույս ունենք՝ դրա կիրառման արդյունքում կիրացվեն այդ պաշտպանության միջոցները: Համապատասխան քայլեր ձեռնարկվել և ձեռնարկվում են։ Դրանք հասկանալի պատճառներով  գաղտնի ռեժիմով են արվում, բայց արվում են»,- ասաց Դավթյանը:

Մանրամասներ ներկայացրեց Դավիթ Սանասարյանի գործի վերաբերյալ: