Կառավարությունից պնդում են՝ առանձնատան վերանորոգումն ընթացիկ է և ոչ հիմնովին

Կառավարական ամառանոցներում վերանորոգման աշխատանքներ են սկսվել։ Այս մասին այսօր մամուլն էր գրել, ավելին՝ նշվում էր, որ ընթացիկ վերանորոգում չէ՝ ծախսվում է մոտ 2 միլիոն դոլար, առանձնատունը նորոգվում է, որպեսզի Նիկոլ Փաշինյանի ընտանիքը տեղափոխվի նոր մասնաշենք։

ԼՈՒՐԵՐ․com-ի թղթակցի հետ զրույցում Կառավարության Տեղեկատվության և հասարակայնության հետ կապերի վարչությունից վերանորոգման աշխատանքներն ընթացիկ որակեցին:

«Այդ աշխատանքները ընթանում են ոչ միայն առանձնատներում, այլև մյուս՝ այլ տեխնիկական սպասարկում ապահովող մասնաշենքերում»,- նշեց Խաչատրյանը։

Ըստ Խաչատրյանի՝ սրանք ամենասովորական ընթացիկ աշխատանքներ են, որոնք պետք է իրականացվեն։ Իսկ ինչ վերաբերում է ծախսվելիք 2 միլիոնին, Խաչատրյանը չցանկացավ բանավոր պատասխանել. հարցի գրավոր պատասխանի ստացման դեպքում կտեղեկացնենք հավելյալ:

Հիշեցնենք, որ կառավարական առանձնատուն վարչապետը տեղափոխվել էր անցած տարի, իսկ ԱԺ նախագահը՝ այս տարվա հունիսից։ Խոսվում է այն մասին, որ նրանք հինը չեն հավանում, և Սերժ Սարգսյանի ապրած շենքում առանց հիմնանորոգման չեն ցանկանում ապրել: