Ոստիկանությունը չի թույլատրում ակցիայի մասնակցիներին մոտենալ դատախազության շենքին

Մեկնարկել է Գլխավոր դատախազության շենքի առջև բողոքի ակցիան' Տիգրան Առաքելյանին, Արտակ Կարապետյանին, Դավիթ Քիրամիջյանին, Սարգիս Գևորգյանին անհապաղ արդարացնելու ու ազատ արձակելու պահանջով։ Ըստ մասնակիցների՝ տղաների դատավճիռն ապօրինի է։

Ոստիկանությունը չի թուլատրում ակցիայի մասնակցիներին մոտենալ դատախազության շենքին, այլ պահանջում է ակցիան անցկացնել դիմացի մայթին, որտեղ գտնվում են բացօթյա սրճարանները։

«Ազատում ենք Կոնգրեսի երիտասարդներին» նախաձեռնության կազմակերպիչներից Արեգ Գևորգյանը, ով նաև դատապարտված Սարգիս Գևորգյանի եղբայրն է, ակցիայի ժամանակ հիշատակել է հուլիսի 20-ի դատվճիռը, որով չորս երիտասարդներին դատապարտեցին մինչև 6 տարի ժամկետով և ներկայացրել պահանջները։

«Պահանջում ենք արդարացնել Հայ ազգային կոնգրեսի 4 ակտիվիստներին՝ Արտակ Կարապետյանին, Դավիթ Քիրամիջյանին, Տիգրան Առաքելյանին, Սարգիս Գևորգյանին, ազատ արձակել Տիգրան Առաքելյանին, կարճել ՀԱԿ մյուս երիտասարդների՝ Վահագն Գևորգյանի, Սահակ Մուրադյանի և Արեգ Գևորգյանի նկատմամբ հարուցված քրեական գործը, որը դեռևս գտնվում է ՀՔԾ վարույթում, պատժել երիտասարդների և նրանց փաստաբանների նկատմամբ բռնություն գործադրած ոստիկաններին և պատասխանատվության ենթարկել կեղծ ցուցմունքներ տված ոստիակնության ծառայողներին, կեղծ ցուցմունքի դրդչություն կատարած պաշտոնատար անձանց»,- ասել է Արեգ Գևորգյանը։

ՀԱԿ ակտիվիստ Գուրգեն Ասատրյանն էլ նշել է, որ իրենք հավաքվել են իրենց կամքը իշխանությունը ցուցադրելու համար և չեն հաշտվի մինչև ՀԱԿ-ի տղաների քրեական գործերը չկարճվեն։

«Մենք պարբերար հավաքվում ենք այստեղ մեր բողոքի ձայնը հասցնելու համար։ Մարտի 1-ի և Հարսնաքարի գործի իրական մեղավորները դեռ ազատության մեջ են, իսկ ՀԱԿ-ի 4 տղաները պետք է ապօրինաբար բանտարկվեն որպես քաղբանտարկյալներ,- ասել է ակտիվիստ Զառա Հովհաննիսյանը։

Լիլիթ Լալայան